May 2026

நாட்டைச் சூழவுள்ள கடற்பரப்புகளுக்கு வளிமண்டலவியல் திணைக்களம் செம்மஞ்சள் (Amber) நிற அவசர எச்சரிக்கையை விடுத்துள்ளது. இன்று மாலை வெளியிடப்பட்டுள்ள அதிகாரப்பூர்வ அறிக்கையில், நாட்டிற்கு வடகிழக்குத் திசையில் வங்காள விரிகுடாவின் தென்மேற்கு பகுதியில் நிலைகொண்டுள்ள குறைந்த அழுத்தப் பிரதேசம் தொடர்ந்தும் அதே இடத்தில் நீடிப்பதாக தெரிவிக்கப்பட்டுள்ளது. இதன் தாக்கத்தால், நாட்டைச் சூழவுள்ள கடற்பரப்புகளில் மழையுடனான காலநிலையும் பலத்த காற்றுடனான சூழ்நிலையும் தொடர்ந்து நிலவும் என எதிர்பார்க்கப்படுகிறது. மேலும், ஆழம் கூடிய மற்றும் ஆழம் குறைந்த கடற்பரப்புகளிலும், வங்காள விரிகுடாவின் […]

களனி மற்றும் வனவாசல தொடருந்து நிலையங்களுக்கு இடையில் இன்று இடம்பெற்ற விபத்தில் தொடருந்து பெட்டி ஒன்று தடம் புரண்டு கவிழ்ந்துள்ளதாக காவல்துறை தெரிவித்துள்ளது. இந்த விபத்தில் சிறுகாயங்களுக்கு உள்ளான 10 பேர் கொழும்பு தேசிய மருத்துவமனையில் அனுமதிக்கப்பட்டுள்ளனர். விபத்து காரணமாக அந்தப் பாதையில் இயங்கிய தொடருந்து சேவைகளில் தற்காலிக தாமதம் ஏற்பட்டுள்ளதாகவும் தெரிவிக்கப்பட்டுள்ளது. தடம் புரண்ட தொடருந்து பெட்டியை மீட்கும் பணிகளில் தொடருந்து திணைக்கள அதிகாரிகள் தீவிரமாக ஈடுபட்டு வருகின்றனர்.

யாழ்ப்பாணம் மானிப்பாய் பொதுச்சந்தை வளாகத்தில் முள்ளிவாய்க்கால் நினைவேந்தல் தொடர்பான “முள்ளிவாய்க்கால் கஞ்சி” வழங்கும் நிகழ்வு இன்று (16.05.2026) காலை 9.00 மணியளவில் நடைபெற்றது. ரணம் நிறைந்த மே மாத நினைவுகளை தாங்கிய இந்நிகழ்வு, போரால் பாதிக்கப்பட்ட மக்களின் வலிகளையும் நினைவுகளையும் பகிரும் நோக்கில் ஏற்பாடு செய்யப்பட்டிருந்தது. சந்தை வர்த்தகர்களின் ஒத்துழைப்புடன், மானிப்பாய் பிரதேச சபை உறுப்பினர் கலொக் கணநாதன் உஷாந்தன் தலைமையில் இடம்பெற்ற இந்நிகழ்வில் முன்னாள் மாகாண சபை உறுப்பினர் கஜதீபன், பிரதேச சபை உறுப்பினர்கள் மற்றும்