Local News

மக்கள் நீண்டகாலமாக எதிர்நோக்கும் குடிநீர் பிரச்சினைக்கு நிரந்தரத் தீர்வு காணும் நோக்கில், 2027ஆம் ஆண்டுக்கான வரவு–செலவுத் திட்டத்தில் விசேட நிதி மற்றும் முன்னுரிமை ஒதுக்கப்படும் என ஜனாதிபதி அனுர குமார திசாநாயக்க தெரிவித்துள்ளார். இந்த அறிவிப்பு, வீடமைப்பு, நிர்மாணிப்பு மற்றும் நீர்வழங்கல் அமைச்சின் 2026ஆம் ஆண்டுக்கான திட்டங்களின் முன்னேற்றம் மற்றும் 2027ஆம் ஆண்டுக்கான நிதித் தேவைகள் தொடர்பாக இன்று (08) காலை ஜனாதிபதி அலுவலகத்தில் நடைபெற்ற உயர்மட்ட கலந்துரையாடலின் போது வெளியிடப்பட்டது. கலந்துரையாடலில், நாட்டின் பல பகுதிகளில் […]

மண்ணெண்ணெய் பயன்படுத்தி இயக்கப்பட்ட ஐந்து தனியார் பேருந்துகளை இரத்தினபுரி தலைமையக காவல்துறையின் போக்குவரத்து பிரிவினர் இன்று (7) விசேட சோதனை நடவடிக்கையின்போது பறிமுதல் செய்துள்ளனர். இரத்தினபுரி நகரை மையமாகக் கொண்டு மேற்கொள்ளப்பட்ட சோதனையின் போது இந்த பேருந்துகள் கண்டறியப்பட்டதாக, போக்குவரத்து பிரிவின் பொறுப்பதிகாரி பிரதான காவல்துறைப் பரிசோதகர் ருவன் தர்மபால தெரிவித்தார். வாகன உற்பத்தியாளர்கள் பரிந்துரைத்த எரிபொருளுக்கு பதிலாக வேறு எரிபொருட்களை பயன்படுத்துவதோ அல்லது அவற்றைக் கலவையாக பயன்படுத்தி வாகனங்களை இயக்குவதோ சட்டவிரோதமான செயல் என அவர்

மொரட்டுவை பல்கலைக்கழகம் டெங்கு நோய் பரவல் காரணமாக ஜூலை 21ஆம் திகதி வரை தற்காலிகமாக மூடப்பட்டுள்ளதாக பல்கலைக்கழக நிர்வாகம் அறிவித்துள்ளது. பல்கலைக்கழக வளாகத்திற்குள் டெங்கு தொற்று வேகமாக பரவி வருவதையடுத்து, மாணவர்கள் மற்றும் பணியாளர்களின் பாதுகாப்பை கருத்தில் கொண்டு இந்த நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது. இதுவரை பல்கலைக்கழக வளாகத்தில் 50-க்கும் மேற்பட்டோர் டெங்கு நோயால் பாதிக்கப்பட்டுள்ளதாகவும், நோய் பரவலை கட்டுப்படுத்தும் நடவடிக்கைகள் தீவிரப்படுத்தப்பட்டுள்ளதாகவும் பல்கலைக்கழக நிர்வாகம் தெரிவித்துள்ளது.

நீர்கொழும்பு சிறைச்சாலையில் ஏற்பட்ட பாரிய வன்முறைச் சம்பவத்தில் உயிரிழந்தோரின் எண்ணிக்கை 26 ஆக உயர்ந்துள்ளது. இந்தச் சம்பவத்துக்கு விடயதான அமைச்சராக முழுமையான பொறுப்பை ஏற்றுக்கொள்வதாக நீதி அமைச்சர் ஹர்ஷன நாணயக்கார தெரிவித்துள்ளார். கொழும்பில் இன்று ஊடகங்களுக்கு கருத்து தெரிவித்த அமைச்சர், உயிரிழந்தவர்களின் குடும்பத்தினருக்கு அரசாங்கத்தின் சார்பிலும், தனிப்பட்ட முறையிலும் ஆழ்ந்த இரங்கலைத் தெரிவித்தார். இந்த துயரச் சம்பவம் மிகவும் கவலையளிப்பதாகவும் அவர் குறிப்பிட்டார். சம்பவத்தின் உண்மை நிலையை வெளிக்கொணர விசேட விசாரணைக் குழு நியமிக்கப்பட்டுள்ளதாகவும், மோதல் எவ்வாறு

நிலப்பரப்பு: சப்ரகமுவ மாகாணத்திலும், கண்டி மற்றும் நுவரெலியா மாவட்டங்களிலும் இடைக்கிடையே மழை பெய்யக்கூடும். மேல் மற்றும் வடமேல் மாகாணங்களிலும், காலி மற்றும் மாத்தறை மாவட்டங்களிலும் சிறிதளவு மழை பெய்யும் வாய்ப்புள்ளது. மத்திய மலைப்பகுதியின் மேற்கு சரிவுகள், வடக்கு, வடமத்திய மற்றும் வடமேல் மாகாணங்கள், இரத்தினபுரி, ஹம்பாந்தோட்டை மற்றும் திருகோணமலை மாவட்டங்களில் மணித்தியாலத்திற்கு 40 முதல் 50 கிலோமீற்றர் வேகத்தில் அடிக்கடி பலத்த காற்று வீசக்கூடும். கடல் பிராந்தியங்கள்: சிலாபத்திலிருந்து கொழும்பு வழியாக காலி வரையிலான கடல் பகுதிகளில்

மின்சார விநியோகக் கட்டமைப்பின் முல்லேரியா உப மின்நிலையத்தில் மேற்கொள்ளப்படும் அத்தியாவசிய பராமரிப்புப் பணிகள் மற்றும் தெஹிவளை, மாளிகாவத்தை லைட்ஹவுஸ் நீர் உந்து நிலையங்களின் மேம்பாட்டுப் பணிகள் காரணமாக, இன்று (04) கொழும்பு மற்றும் புறநகர்ப் பகுதிகளில் 12 மணித்தியாலங்கள் நீர் விநியோகம் தற்காலிகமாக நிறுத்தப்படவுள்ளது. தேசிய நீர் வழங்கல் மற்றும் வடிகாலமைப்புச் சபை வெளியிட்டுள்ள அறிவிப்பின்படி, இன்று முற்பகல் 9.00 மணி முதல் இரவு 9.00 மணி வரை இந்த நீர் விநியோகத்தடை அமுலில் இருக்கும். இதன்படி,

வரும் ஜூலை 7ஆம் திகதி முதல் ஜூலை 10ஆம் திகதி வரை நாடாளுமன்ற அமர்வுகளை நடத்துவதற்கு நாடாளுமன்ற விவகாரங்களுக்கான குழு தீர்மானித்துள்ளது. அமர்வுகளின் போது, புதன்கிழமையைத் தவிர்ந்த ஏனைய நாட்களில் முற்பகல் 10.00 மணி முதல் 11.30 மணி வரை வாய்மூல விடைக்கான வினாக்கள் மற்றும் நிலையியற் கட்டளை வினாக்களுக்காக நேரம் ஒதுக்கப்பட்டுள்ளது. புதன்கிழமையன்று பிரதமரிடம் கேள்வி எழுப்புவதற்கான நேரம் ஒதுக்கப்பட்டுள்ளது. மேலும், தொல்பொருட்கள் கட்டளைச்சட்டம் மற்றும் ஊழல் எதிர்ப்புச் சட்டத்தின் கீழான விதிகள் குறித்து விவாதம்

பொலன்னறுவை மாவட்டத்தின் அரலகன்வில பொலிஸ் பிரிவுக்குட்பட்ட பிம்பொக்குன பகுதியில் குடும்பத் தகராறு வன்முறையாக மாறியதில், 29 வயதுடைய இளம் பெண் ஒருவர் உயிரிழந்துள்ளார். நேற்று இரவு (03) இடம்பெற்ற இந்தச் சம்பவத்தில், கணவர் நடத்தியதாகக் கூறப்படும் தாக்குதலில் பெண் பலத்த காயமடைந்தார். பின்னர் அவர் அரலகன்வில மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்ததாக பொலிஸார் தெரிவித்தனர். உயிரிழந்தவர் அரலகன்வில, பிம்பொக்குன பகுதியைச் சேர்ந்த 29 வயதுடைய பெண் என அடையாளம் காணப்பட்டுள்ளார். சம்பவம் தொடர்பாக சந்தேகநபரான

தமிழ்த் தேசியப் பேரவையின் தலைவரும் நாடாளுமன்ற உறுப்பினருமான கஜேந்திரகுமார் பொன்னம்பலம், தமிழ்நாடு முதலமைச்சர் விஜய்யை இன்று நேரில் சென்று சந்தித்துள்ளார். இந்த சந்திப்பின் போது, ஈழத் தமிழர் மக்கள் எதிர்நோக்கும் அரசியல் மற்றும் மனித உரிமைகள் தொடர்பான பிரச்சினைகள் குறித்து எழுத்துமூல கோரிக்கை கடிதம் ஒன்றும் கையளிக்கப்பட்டதாக தெரிவிக்கப்படுகிறது. மேலும், ஒற்றையாட்சி அரசியலமைப்பு முறையை நீக்கி தமிழர் தேசத்தின் இறைமையை அங்கீகரிக்கும் சமஷ்டி அடிப்படையிலான அரசியல் தீர்வின் அவசியம், ஈழத் தமிழர் இனவழிப்புக்கு சர்வதேச சுயாதீன விசாரணை

வவுனியா மாநகர சபையில் இருந்து காணாமல் போனதாக தெரிவிக்கப்பட்ட செங்கோல், காவல்துறையினரால் கண்டுபிடிக்கப்பட்டுள்ளது. வவுனியா ஈச்சங்குளம் பகுதியில் அமைந்துள்ள தளவாட தயாரிப்பு நிலையம் ஒன்றிலிருந்து அந்த செங்கோல் மீட்கப்பட்டதாக காவல்துறை தெரிவித்துள்ளது. மீட்கப்பட்ட செங்கோல் வவுனியா நீதிமன்றத்தில் சமர்ப்பிக்கப்பட்டதுடன், பின்னர் மாநகர சபையின் செயலாளரிடம் ஒப்படைக்கப்பட்டதாக வவுனியா காவல் நிலையப் பொறுப்பதிகாரி தெரிவித்தார். இந்தச் சம்பவம் தொடர்பாக இதுவரை எவரும் கைது செய்யப்படவில்லை என்றும் காவல்துறை குறிப்பிட்டுள்ளது. மாநகர சபையிலிருந்து செங்கோல் எவ்வாறு தளவாட தயாரிப்பு நிலையத்துக்கு