தமிழக முதலமைச்சர் விஜய் அரசியலுக்கு வருவதற்கு முன் நடித்ததாகக் கூறப்படும் ‘ஜனநாயகன்’ திரைப்படம் இணையத்தில் கசிந்த விவகாரம் தொடர்பான விசாரணைகள் தீவிரமடைந்துள்ளன.
ஹெச். வினோத் இயக்கத்தில் உருவான இத்திரைப்படத்தில் மமிதா பைஜூ, பிரகாஷ் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். அனிருத் இசையமைத்துள்ள இந்தப் படம், பொங்கல் வெளியீடாக திரையரங்குகளில் வெளியாகவிருந்தது.
எனினும், தணிக்கைக் குழுவின் சில தடைகள் காரணமாக வெளியீடு தாமதமான நிலையில், படம் அதிகாரப்பூர்வ வெளியீட்டுக்கு முன்பே இணையத்தில் முழுமையாகக் கசிந்தது பெரும் அதிர்ச்சியை ஏற்படுத்தியது.
இந்த விவகாரம் தொடர்பாக சைபர் கிரைம் காவல்துறையினர் மேற்கொண்ட விசாரணையில், திரைப்படத் தொகுப்பு குழுவில் இருந்த ஒருவரே கசிவிற்கு காரணமாக இருந்ததாக கண்டறியப்பட்டுள்ளது.
முன்னதாக இந்த வழக்கில் 9 பேர் கைது செய்யப்பட்டிருந்த நிலையில், மேலும் ஒருவரை காவல்துறையினர் கைது செய்துள்ளனர். இதன் மூலம் கைது செய்யப்பட்டவர்களின் எண்ணிக்கை 10 ஆக உயர்ந்துள்ளது.
கைது செய்யப்பட்டவர்களின் பிணை மனுக்களை சென்னை உயர்நீதிமன்றம் அண்மையில் தள்ளுபடி செய்திருந்ததும் குறிப்பிடத்தக்கது.
விசாரணை தொடர்ந்து நடைபெற்று வருகிறது.
