சர்வதேச சந்தையில் ஏற்பட்டுள்ள பொருளாதார மாற்றங்களின் தாக்கத்தால், இன்று (29) தங்கம் மற்றும் வெள்ளியின் விலையில் வீழ்ச்சி பதிவாகியுள்ளது.
அதன்படி, ஒரு அவுண்ஸ் தங்கத்தின் விலை 4,065.95 அமெரிக்க டொலராக பதிவாகியுள்ளதுடன், ஒரு அவுண்ஸ் வெள்ளியின் விலை 58.75 அமெரிக்க டொலராக காணப்படுகிறது.
கடந்த சில நாட்களாக உள்நாட்டு தங்கச் சந்தையில் விலைகள் ஏற்றத் தாழ்வுகளுடன் காணப்பட்ட நிலையில், சர்வதேச சந்தையில் ஏற்பட்டுள்ள இந்த விலைச் சரிவு இலங்கையின் தங்கச் சந்தையிலும் தாக்கத்தை ஏற்படுத்தி, தங்கத்தின் விலையில் குறைவு ஏற்படக்கூடும் என சந்தை வட்டாரங்கள் தெரிவிக்கின்றன.
தங்கம் மற்றும் வெள்ளி விலைகளில் ஏற்பட்டுள்ள இந்த மாற்றம், நகைத் தொழில், முதலீட்டாளர்கள் மற்றும் நுகர்வோரின் கொள்வனவு நடவடிக்கைகளிலும் குறிப்பிடத்தக்க தாக்கத்தை ஏற்படுத்தும் என பொருளாதார ஆய்வாளர்கள் சுட்டிக்காட்டியுள்ளனர்.
