தமிழர்களின் அறிவு மற்றும் பண்பாட்டு பாரம்பரியத்தின் அடையாளமாக விளங்கிய யாழ்ப்பாணம் பொது நூலகம் தீக்கிரையாக்கப்பட்டு இன்றுடன் 45 ஆண்டுகள் நிறைவடைகின்றன.
1981 ஆம் ஆண்டு ஜூன் 1 மற்றும் 2 ஆம் திகதிகளில், ஆசியாவின் புகழ்பெற்ற நூலகங்களில் ஒன்றாகக் கருதப்பட்ட யாழ்ப்பாணம் பொது நூலகம் தீ வைத்து எரிக்கப்பட்டது.
இந்தச் சம்பவத்தில் 97 ஆயிரத்திற்கும் அதிகமான அரிய நூல்கள், ஓலைச்சுவடிகள், வரலாற்று ஆவணங்கள், பழமையான கையெழுத்துப் பிரதிகள் உள்ளிட்ட பெறுமதிமிக்க அறிவுச் செல்வங்கள் அழிந்தன.
யாழ்ப்பாணம் பொது நூலகத்தின் எரிப்பு, ஒரு கட்டிடத்தின் அழிவாக மட்டுமன்றி, தமிழர் சமூகத்தின் அறிவு, பண்பாடு மற்றும் வரலாற்று அடையாளத்தின் மீது நிகழ்த்தப்பட்ட தாக்குதலாகப் பலரால் கருதப்படுகிறது.
45 ஆண்டுகள் கடந்துள்ள போதிலும், அந்தத் துயரச் சம்பவத்தின் நினைவுகள் தமிழர் மனங்களில் ஆழமான காயமாகத் தொடர்கின்றன.
இந்த நாளை முன்னிட்டு, உலகின் பல பகுதிகளில் வாழும் தமிழர்கள் நினைவேந்தல் நிகழ்வுகள், கருத்தரங்குகள் மற்றும் அஞ்சலி நிகழ்ச்சிகள் மூலம் அந்த வரலாற்று இழப்பை நினைவுகூருகின்றனர்.
அறிவுச் செல்வங்களை அழிக்க முடிந்தாலும், அறிவுக்கான தேடலையும் ஒரு மக்களின் வரலாற்று நினைவுகளையும் அழிக்க முடியாது என்பதற்கு மீளக் கட்டமைக்கப்பட்ட யாழ்ப்பாணம் பொது நூலகம் இன்றும் சான்றாகத் திகழ்கிறது.
யாழ்ப்பாணம் பொது நூலகம் எரிக்கப்பட்டு 45 ஆண்டுகள் நிறைவடையும் இந்நாளில், அறிவு, பண்பாடு மற்றும் வரலாற்றுப் பாரம்பரியங்களைப் பாதுகாப்பதன் முக்கியத்துவம் மீண்டும் வலியுறுத்தப்படுகிறது.
