அமெரிக்கா உருவானதன் 250வது ஆண்டு விழா வரும் ஜூலை மாதம் நடைபெறவுள்ள நிலையில், அதனை முன்னிட்டு முன்னாள் அதிபர் டொனால்ட் டிரம்ப் உருவப்படத்துடன் புதிய 250 டாலர் நாணய நோட்டு அச்சிடும் சாத்தியம் குறித்து விவாதம் எழுந்துள்ளது.
அமெரிக்க கருவூலத் துறை அதிகாரி பிராண்டன் பீச், கருவூலத் துறை ஊழியர்களுக்கு இதற்கான முன்மாதிரி வடிவங்களை தயாரிக்குமாறு உத்தரவிட்டுள்ளதாக வாஷிங்டன் போஸ்ட் பத்திரிகை தெரிவித்துள்ளது.
எனினும், அமெரிக்க சட்டத்தின்படி நாணய நோட்டுகளில் பொதுவாக மறைந்தவர்களின் உருவப்படங்கள் மட்டுமே இடம்பெற வேண்டும் என்பதால், தற்போதைய நிலையில் இது சட்டரீதியான சிக்கல்களை சந்திக்கக்கூடும் என கூறப்படுகிறது.
டொனால்ட் டிரம்பின் உருவப்படத்தை நாணய நோட்டில் இடம்பெறச் செய்வதற்காக அமெரிக்க நாடாளுமன்றத்தில் ஒரு மசோதா சமர்ப்பிக்கப்பட்டுள்ளதாகவும், அது இன்னும் நிறைவேற்றப்படாத நிலையில் இருப்பதாகவும் தகவல்கள் தெரிவிக்கின்றன.
இதனால், புதிய $250 நோட்டு தொடர்பான திட்டம் தற்போது ஆரம்பகட்ட ஆய்வு மற்றும் விவாத நிலையில் உள்ளதாக அதிகாரிகள் தெரிவித்துள்ளனர்.
