உலகப் புகழ்பெற்ற கார் உற்பத்தியாளரான BMW, தனது உற்பத்தி நடவடிக்கைகளில் முதன்முறையாக மனித உருவ ரோபோக்கள் (Humanoid Robots) பயன்பாட்டை அறிமுகப்படுத்த தீர்மானித்துள்ளது.
சர்வதேச ஊடகங்களின் தகவலின்படி, ஐரோப்பாவில் அமைந்துள்ள BMW தொழிற்சாலைகளில் இந்த ரோபோக்கள் விரைவில் பணியில் அமர்த்தப்பட உள்ளன. இதற்காக Hexagon Robotics தொழில்நுட்பத்தை அடிப்படையாகக் கொண்டு உருவாக்கப்பட்ட இரண்டு மனித உருவ ரோபோக்களை எதிர்வரும் கோடைக்காலத்தில் சோதனை அடிப்படையில் பயன்படுத்த நிறுவனம் திட்டமிட்டுள்ளது.
ஜெர்மனியில் உள்ள BMW நிறுவனத்தின் Leipzig கார் உற்பத்தி நிலையத்தில் இதற்கான ஆரம்பகட்ட ஆய்வுகள் மற்றும் செயல்திறன் மதிப்பீடுகள் தற்போது நடைபெற்று வருகின்றன.
தொழில்துறை தானியக்கத்தின் அடுத்த கட்ட முன்னேற்றமாக இந்த முயற்சி கருதப்படுவதுடன், எதிர்கால வாகன உற்பத்தித் துறையில் மனித உருவ ரோபோக்கள் முக்கிய பங்காற்றும் எனவும் நிபுணர்கள் எதிர்பார்க்கின்றனர்.
