சென்னையில் செய்தியாளர்களை சந்தித்த நடிகர் Rajinikanth, தமிழக வெற்றிக் கழகம் (தவெக) தொண்டர்கள் மற்றும் Vijay ரசிகர்கள் கவனமாக நடந்து கொள்ள வேண்டும் என அறிவுறுத்தியுள்ளார்.
தவெக தொண்டர்கள் செய்யும் சிறிய தவறுகள் கூட விஜய்க்கு பாதிப்பை ஏற்படுத்தலாம் என்பதால், அவர்கள் பொறுப்புடன் செயல்பட வேண்டும் என அவர் தெரிவித்துள்ளார்.
மேலும், தனது அரசியல் நிலைப்பாடு மற்றும் சமூக வலைதளங்களில் பரவி வரும் தகவல்கள் குறித்து விளக்கமளித்த ரஜினிகாந்த், திமுக தலைவர் மற்றும் தமிழக முதலமைச்சர் M. K. Stalin-ஐ தேர்தலுக்குப் பிறகு சந்தித்தது அரசியல் காரணமல்ல, அது தனிப்பட்ட நட்பு அடிப்படையிலான சந்திப்பு எனவும் கூறியுள்ளார்.
அத்துடன், விஜயின் அரசியல் எழுச்சி குறித்து கருத்து தெரிவித்த அவர், அவர் பெற்ற வெற்றி ஆச்சரியம் கலந்த மகிழ்ச்சியை அளித்ததாகவும், மக்கள் மாற்றத்தை விரும்பிய சூழலில் அது நிகழ்ந்ததாகவும் கூறியுள்ளார்.
தன்னைப் பற்றி பரவும் விமர்சனங்களுக்கு பதிலளிக்க வேண்டிய நிலை ஏற்பட்டதால் விளக்கம் அளித்ததாகவும், விஜயை சந்திக்க மரியாதை நிமித்தமாக செல்ல விருப்பமில்லை எனவும் அவர் தெரிவித்துள்ளார்.
