சன்ஸ்கிரீன் பயன்பாட்டின் முக்கியத்துவம்: இளம் வயதினர்கள் செய்யும் பொதுவான தவறுகள்

Sunscreen important for youngsters: இளம் வயதில் வயதான தோற்றம், டானிங், பிக்மெஷன்டேஷன் போன்ற பிரச்சனைகளில் இருந்து சருமத்தை பாதுகாக்க சன்ஸ்கிரீன் அவசியமாகும். இளைஞர்கள் எந்த சன்ஸ்கிரீன் பயன்படுத்தலாம், எவ்வளவு SPF அளவு நல்லது, பலரும் செய்யும் சன்ஸ்கிரீன் தவறுகள் போன்ற விவரங்களை சரும மருத்துவர் விளக்கியுள்ளார்

பல இளைஞர்கள் சன்ஸ்கிரீன் என்பது கடற்கரை பயணம் அல்லது சுற்றுலா செல்லும்போது பயன்படுத்த வேண்டிய ஒன்றாக கருதுகின்றனர். ஆனால், வேலைக்கு செல்லும்போது, கல்லூரிக்கு நடந்து செல்லும்போது அல்லது வெளியில் விளையாடும்போது போன்ற தினசரி வாழ்க்கையிலும் சூரியனின் புற ஊதா கதிர்வீச்சு தோலை மெதுவாக சேதப்படுத்தக்கூடும் என சரும நிபுணர்கள் கூறுகின்றனர்

இதுபற்றி பெங்களூர் SPARSH மருத்துவமனையின் தோல் மருத்துவர் Dr.தன்‌மயி கோமல் குமார் கூறுவதாவது, ” இளைஞர்கள் சூரிய ஒளி தாக்கத்தை எளிதாக கருதுகிறார்கள். ஆனால், UV கதிர்வீச்சுக்கள் சருமத்தில் நீண்டகால சேதங்களை ஏற்படுத்தக்கூடும். அதாவது,

• முன்கூட்டியே வயதான தோற்றம்
• பிக்மென்டேஷன்
• சன் டானிங்

இத்துடன் சரும புற்றுநோய் அபாயத்தையும் அதிகரிக்கலாம். இந்திய தோல் நிறத்திற்கும் சன்ஸ்கிரீன் பயன்படுத்துவது அவசியம்” என்கிறார்

எந்த SPF சன்ஸ்கிரீன் பயன்படுத்த வேண்டும்?

சன்ஸ்கிரீன் தேர்வு செய்யும்போது SPF அளவு மிகவும் முக்கியமாகும். சூரிய ஒளியில் உள்ள கதிர்வீச்சுகளால் ஏற்படும் பாதிப்பை தடுக்கிறது

SPF அளவு	பாதுகாப்பு	எப்போது பயன்படுத்தலாம்?
SPF 30	97 சதவீத UVB கதிர்வீச்சு தடுக்கும்	தினசரி பயன்பாட்டிற்கு சிறந்தது
SPF 50	98 சதவீத UVB கதிர்வீச்சு தடுக்கும்	நீண்ட நேரம் வெளிப்புற செயல்பாட்டிற்கு நல்லது

இது பற்றி மருத்துவர் தன்‌மயி கூறுகையில், “தினசரி பயன்பாட்டுக்கு குறைந்தது SPF 30 சன்ஸ்கிரீன் பயன்படுத்த வேண்டும். நீண்ட நேரம் வெளியில் இருக்கும்போது SPF 50 பயன்படுத்துவது நல்லது” என்றார்

சன்ஸ்கிரீன் எவ்வளவு நேரத்திற்குள் மீண்டும் பயன்படுத்த வேண்டும்?

தோல் நிபுணர்கள் பரிந்துரைப்படி, 2 முதல் 3 மணி நேரத்திற்கு ஒருமுறை மீண்டும் அப்ளை செய்ய வேண்டும். குறிப்பாக, அதிகமாக வியர்க்கும்போது, நீச்சல் அல்லது வெளிப்புற செயல்பாட்டில் ஈடுபட்டால் மீண்டும் பயன்படுத்த வேண்டும்.

இதனால் சன்ஸ்கிரீன் பாதுகாப்பு தொடர்ச்சியாக சருமத்திற்கு கிடைக்கக்கூடும்

சரும வகைக்கு ஏற்ப சன்ஸ்கிரீன் எப்படி தேர்வு செய்வது?

ஒவ்வொருவரின் தோல் தன்மையும் மாறுபடுவதால், அதற்கு ஏற்ப சன்ஸ்கிரீனை தேர்வு செய்வது அவசியம் என மருத்துவர் தன்மயி கூறுகிறார்

சரும வகை	பயன்படுத்த ஏற்ற சன்ஸ்கிரீன்
எண்ணெய் பசை/ பருக்கள் நிறைந்த சருமம்	ஜெல் பேஸ்டு சன்ஸ்கிரீன்
வறண்ட சருமம்	கிரீம் பேஸ்டு சன்ஸ்கிரீன்

சன்ஸ்கிரீன் பயன்பாடு தவறுகள்

சன்ஸ்கிரீன பயன்படுக்தும்போது பலரும் செய்யும் முக்கிய தவறுகளை தன்மயி விளக்கியுள்ளார். அவை பின்வருமாறு;

தவறுகள்	காரணம்
குறைவான அளவு சன்ஸ்கிரீன் பயன்படுத்துவது	தேவையான அளவு பயன்படுத்தாததால் பாதுகாப்பு குறையும்
மேகமூட்டமான நாட்களில் சன்ஸ்கிரீன் தவிர்ப்பது	மேகமிருந்தாலும் 80 சதவீத UV கதிர்கள் தாக்கம் இருக்கும்
சில பகுதிகளை மறந்து விடுவது	கழுத்து, காதுகள், கைகள் போன்ற பகுதிகளும் வெயில் தாக்கத்திற்கு ஆளாகும்

கூடுதல் பாதுகாப்பு குறிப்புகள்

சூரிய ஒளி கதிர்வீச்சில் இருந்து முழுமையான பாதுகாப்பை பெற சன்ஸ்கிரீன் மட்டும் போதாது. இத்துடன் சில விஷயங்களும் பின்பற்ற வேண்டும்

• UV பாதுகாப்பு சன்கிளாஸ் பயன்படுத்துவது
• தொப்பி அணிந்து வெளியே செல்வது
• வெயிலில் முழு கை கொண்ட ஆடை அணிதல்
• 10 மணி முதல் 4 மணி வரையிலான நேரடி வெயிலை தவிர்ப்பது
• தண்ணீர் குடித்து உடலை நீரேற்றமாக வைப்பது

முடிவுரை

சன்ஸ்கிரீன் அழகுக்காக மட்டுமல்ல. உங்கள் சரும ஆரோக்கியத்தை பாதுகாக்கக்கூடிய முக்கியமான பழக்கமாகும். இளம் வயதிலேயே சன்ஸ்கிரீன் பயன்படுத்த ஆரம்பித்தால், பிற்காலத்தில் வரும் பிக்மென்டேஷன், வயதான தோற்றத்தின் அறிகுறிகள் போன்றவற்றை குறைக்க முடியும்

தினசரி சரும பராமரிப்பில் சன்ஸ்கிரீனை கட்டாயம் சேர்க்க வேண்டும் என சரும நிபுணர்கள் கூறுகின்றனர்.

மருத்துவ நிபுணர் ஆலோசனை

இந்த கட்டுரை பெங்களூரில் இன்ஃபன்ட்ரி சாலையில் உள்ள SPARSH மருத்துவமனையின் தோல் மருத்துவ ஆலோசகர் Dr. தன்‌மயி கோமல் குமார், சமயம் தமிழுக்கு வழங்கிய தகவல்களை அடிப்படையாக கொண்டு எழுதப்பட்டுள்ளது