மத்திய கிழக்கில் நீடித்து வரும் போர் பதற்றம் உலகளாவிய எரிசக்தி சந்தையில் தாக்கத்தை ஏற்படுத்தியுள்ள நிலையில், கச்சா எண்ணெய் மற்றும் இயற்கை எரிவாயு விலைகளில் இன்று (10) குறிப்பிடத்தக்க மாற்றங்கள் பதிவாகியுள்ளன.
உலக சந்தை தரவுகளின்படி, WTI (West Texas Intermediate) ரக கச்சா எண்ணெயின் விலை பீப்பாய் ஒன்றுக்கு 88.80 அமெரிக்க டொலராக உயர்ந்துள்ளது.
அதேபோல், உலகளவில் பரவலாக வர்த்தகம் செய்யப்படும் Brent ரக கச்சா எண்ணெயின் விலை பீப்பாய் ஒன்றுக்கு 92.10 அமெரிக்க டொலராக பதிவாகியுள்ளது.
மறுபுறம், இயற்கை எரிவாயு விலையில் வீழ்ச்சி காணப்பட்டுள்ளது. அதன்படி, இயற்கை எரிவாயுவின் விலை 3.132 அமெரிக்க டொலராக குறைந்துள்ளதாக சர்வதேச எரிசக்தி சந்தைத் தகவல்கள் தெரிவிக்கின்றன.
மத்திய கிழக்கு பிராந்தியத்தில் நிலவும் அசாதாரண சூழ்நிலை காரணமாக, எதிர்வரும் நாட்களிலும் எரிசக்தி சந்தையில் விலை ஏற்றத் தாழ்வுகள் தொடரக்கூடும் என பொருளாதார நிபுணர்கள் எச்சரித்துள்ளனர்.
